Кинескиот произведувач претстави свој нов паметен телефон кој го краси Android 5.1 и батерија со голем капацитет.
Кога говориме за уреди на помалку познати кинески произведувачи, секогаш мораме да бидеме внимателни, бидејќи тие знаат да тврдат нешто за што подоцна ќе се испостави дека не е баш така, па оваа вест засега земете ја со доза на внимателност.
Накратко кажано, компанијата Bluboo го претстави својот нов паметен телефон Bluboo X550 со OGS екран со дијагонала од 5,5 инчи (непозната резолуција), кој работи на четворојадрен процесор MediaTek MT6735, со помош на 2 GB RAM и 16 GB интерна меморија за складирање.
Со оглед на таа функција и податокот дека цената му изнесува 170 долари, можеме да кажеме дека се работи за типичен кинески уред од помалку познат бренд кој своето место под сонцето го бара со солиден однос на цена и квалитет, но постојат две нешта кои го прават интересен.
Како прво, уредот работи на Android 5.1 Lollipop OS, со што влегува во тимот на мал број на уреди кои засега можат да работат со најновиот оперативен систем на Google, додека вистинската бомба доаѓа во облик на податок дека овој телефон поседува батерија од 5.300 mAh, со што автоматски станува телефон со батерија која има најголем капацитет на светот, иако тоа не влијае на неговата дебелина која изнесува 8,9 мм.
Но, како што кажавме на почетокот, многу кинески произведувачи имаат чуден начин на маркетинг, па знаат да претераат во врска со своите уреди, но со оглед на тоа дека овој уред ќе биде официјално претставен на саемот Global Sources Electronics на 18 април во Хонг Конг, ќе дознаеме брзо дали сето ова е вистина или лош маркетинг.