Според новите гласини, Sony наскоро ќе издаде паметен телефон кој ќе има 64 битен MediaTek процесор.
Во време кога Sony продолжува со надградба на Xperia телефонот со Android 5.0 Lollipop OS, од страна на @upleaksa пристигнува гласина дека наскоро ќе го претстави досега необјавениот паметен телефон со ознака E5503, кој интерно се нарекува Sony Lavender.
Откако протече Sony Cosmos телефонот, кој на пазарот најверојатно ќе се најде под името Xperia C4, во блиска иднина би требало да се појави и Lavender, кој најверојатно ќе работи на 64 битен чипсет MediaTek, и ќе поседува Full HD (1080p) екран чувствителен на допир.
Постои голема веројатност дека компанијата истовремено ќе ги претстави Xperia C4 (Cosmos) и Lavender, но веруваме дека за тоа ќе дознаеме нешто повеќе во текот на наредните недели.
За жал освен овие шкрти “протечени“ информации, не се споменува ништо повеќе поврзано за останатите спецификации на новите телефони на Sony од средна класа.