Google објави дека неговиот пребарувач стана уште попаметен, па сега според клучните поими што ги впишувате може да препознае дали сте гладни, и да ви понуди достава на храна на "Place an Order".
И тоа директно од резултатите на пребарувањето или со автоматско спојување на телефон за нарачка од ресторанот кој ќе го одберете од понудените.
Оваа функција за сега функционира само во САД, каде Google направи договор со продавниците за брза храна и рестораните со службата за online нарачка и достава.
Веруваме дека нема да треба да чекаме премногу долго за оваа услуга да се прошири глобално, бидејќи првите реакции на корисниците се многу позитивни, а угостителите задоволно тријат раце.
Ако досега сте нарачувале хамбургер или пица online, прво сте ги пребарале рестораните или продавниците за брза храна во близина, па сте отвориле посебната апликација за нарачка, па сте одбрале што сакате па дури тогаш сте нарачале.
Новата функција на Google тој процес го скратува, па сега на своите телефони може да го отворите прелистувачот и во полето за пребарување на впишете некој поим, а алгоритамот на Google ќе препознае дека сте гладни и ќе ви понуди апликации со 6 наведени објекти кои ќе ви ги понудат своите менија.