Азиската подружница на познатиот произведувач на фото опрема Nikon, го претстави новиот систем под назив Heartography, кој во основа претставува апликација за камера за куче.
Со оглед на тоа дека вашиот четвороножен миленик обично не знае што е згодно за фотографирање, од Nikon решија да го опремат со ланче со сензор за срцеви отчукувања, кои ќе препознаат кога тоа поради нешто е возбудено, а тие податоци ќе ги испраќаат преку Bluetooth на дигитален фотоапарат, кој потоа ќе прави фотки кои ќе ги складира на SD картичка.
Тоа значи дека вашето куче ќе ги фотографира само оние погледи кои кај него ќе предизвикаат силно возбудување, односно зголемен број на срцеви отчукувања.
Освен што на тој начин ќе добиете значителен број на интересни фотографии, вака полесно ќе разберете кои нешта го возбудуваат вашето куче.
Не е познато дали овој проект ќе се најде на пазарот, или претставува исклучиво истражувачки проект во служба на маркетингот.