Во новата епизода на „X-Factor“ која во живо ќе биде емитувана вечерва во 21-часот, ќе имаме шанса да ги видиме финалистите како пеат љубовни песни, па вечерашната тема има симболичен наслов „love and heartbreak“.
Вечерва ќе дознаеме и кој кандидат од бараж гласањето ќе им се придружи на финалистите во борбата за победа во првиот регионален „X-Factor“.
Судиите, Кики, Жељко, Емина и Кристина вредно работат и подготвуваат бројни изненадувања.
- И после цел ден снимање, па проби во Шимановци и пробување на преубави фустани, еве ме назад во студио во доцните часови, снимаме гитари за матрицата... J Тара наскоро ќе заборави како изгледам L ... но матриците ќе бидат супер! Едвај го чекам второто лајф шоу, напиша Кристина Ковач на својот Facebook профил.
Во оваа возбудлива епизода и еден натпреварувач ќе го напушти X-Factor, a специјален гостин во емисијата ќе биде популарниот пејач Хари Варешановиќ, познат како Хари Мата Хари.
Инаку како што објавивме вчера, еден од нашите два натпреварувачи, Даниел Кајмакоски, по барање на неговиот ментор Жељко Јоксимовиќ, живее сам во хотел и ужива светски третман.
Што мислите, која љубовна песна најмногу би му лежела на Даниел за вечерва да ја отпее? Според српските медиуми, Даниел не би требало да има проблем со каква и да е љубовна песна, па останува само уште да погодиме која ќе биде таа.