Иако проектот Скопје 2014 требаше да заврши минатата година, според градбите кои ги гледаме низ градот, тој се уште трае, па така се уште се појавуваат нови градби и споменици.
Сепак, големо внимание предизвика панорамското тркало кое веќе се гради на Вардар. Кога сме кај панорамски тркала, во Дубаи се гради највисокото панорамско тркало на светот и тоа на вештачки остров.
Оваа 210 висока атракција, која ја гради Meras Holding, ќе го надмине досегашниот рекордер, High Roller во Лас Вегас, кој има висина од 167.6 метри. Панорамското тркало во Дубаи, ќе има 48 луксузни кабини кои може да примаат 1.400 посетители и ќе овозможува поглед на најголемите знаменитости. Освен ова, на тркалото ќе се монтира 80 метри висок ЛЕД екран, на кој ќе се прикажуваат филмови, реклами и интерактивни информации. Во неговото опкружување ќе се отвори и шеталиште со мали ресторани и продавници кои ќе нудат свежи производи.