Истражувачи од Универзитетот во Мисури проучувајќи го однесувањето на луѓето во текот на конзумирањето алкохол, заклучиле дека постојат четири категории љубители на чашката.
По испиени неколку коктели или жестоки пијалоци, некои лица стапуваат во контат со непознати луѓе, други бараат конфликт, а некои со часови се смеат без никаква причина.
Две лица можат да испијат иста количина алкохол, а нивното однесување да биде дијаметрално спротивно. Токму со оваа појава се занимаваа американските психолози.
Нивната студија, објавена во списанието „Addiction Research & Theory“ дојде до заклучок дека постојат четири категории на луѓе кои пијат алкохол. Еве кои се тие:
Ернест Хемингвеj
Во првата, наречена „Ернест Хемингвеj“, влегле 40 отсто од 374 лица кои биле опфатени со истражувањето. Станува збор за поединци кои добро поднесуваат алкохол и кои под влијание на алкохолот не ја менуваат личноста.
Мери Попинс
Во втората, „Мери Попинс“ категорија, спаѓаат оние кои по извесна количина алкохол стануваат повесели, подобродушни.
Луди професори
Луѓето кои со секоја испиена чашка се повеќе го менуваат своето однесување ја сочинуваат групата „Луди професори“. Обично природно интровертни, овие лица добиваат самодоверба и се подруштвени кога ќе испијат повеќе чаши.
Господин Хајд
Последната група, т.н. група „Господин Хајд“, се луѓе кои под дејство на алкохол имаат тенденција да го загубат умот и стануваат неодговорни и поагресивни.