Базен во дворот можеби е најдобрата инвестиција која може да ја направите со оглед на пеколните горештини со кои се соочуваме ова лето. Подобро разладување од тоа дефинитивно нема. Токму следните базени ќе ви послужат како инспирација за базен или пак ќе ве намамат веднаш да нурнете во најблиската вода.
Гледање филм од базен? Зошто да не. Проекција на ѕид, неколку пријатели и коктелчиња се доволни за совршено отворено кино.
Голем базен на крајот од дворот, со голем тобоган кој почнува дури од другиот крај на куќата. Ви звучи примамливо?
Базенот со камен дополнително ќе направи да се почувствувате како да се бањате во некоја мистична река. Додека мини водопадите уште повеќе ќе ве внесат во авантуристичкиот филм.
Кое дете не сака тобоган? Купете еден шарен, поставете го во дворот и нека си играат цел ден.
Базен опколен со зеленило е совршен за на викендичката на планина. Се согласувате?
Можете да го оградите базенот со обична ограда, мала ограда преку која ќе го каните соседот или пак огромна преку која никој не може да ве ѕирне.
Ако имате голем двор, тогаш можете да го заградите со цврсто стакло, кој ќе му даде дополнителна елеганција.
Модерен базен со лежалки во вода. Ако не сакате да пливате, легнете на лежалките и така ќе се ладите.
Заградете ја едната страна на базенот со стакло, во кое ќе гледате како другите пливаат.
Совршенство!