Од кога престанала да работи за FBI, Лара Квај се занимава со пишување. Но, се уште има одлични вештини кои може да ни помогнат на сите – од оние заљубените до уши па сè до шефовите. Лара била посебно истренирана да „ги чита“ луѓето. Еве ги нејзините совети, кои ќе ви помогнат полесно да откриете дали луѓето ја зборуваат вистината или не.
Искуството покажало дека „добриот полицаец“ има повеќе успеси од „лошиот“. Ако сте емпатични во разговорот, личноста побрзо ќе ви се отвори.
Личноста која ве лаже може однапред да ги извежба одговорите на некои прашања за да изгледаат поприродни и инстинктивни. Прашајте ги нешто што не очекуваат и лажговците ќе се збунат.
- Слушајте повеќе отколку што зборувате
Оние кои лажат зборуваат повеќе од искрените луѓе, бидејќи сакаат да ја придобијат „публиката“. Под стрес ќе зборуваат побрзо, погласно и ќе го изгубат природниот тон на гласот. Освен тоа, кашлањето е еден симптом за лажење. Ако вашиот соговорник има еден од симптомите, не треба да значи дека лаже, но ако ги има сите, тогаш си имате работа со човек кој кажува лаги.
- Обратите внимание на тоа како изговараат „не“
„Не“ е клучниот збор за тоа кога некој се труди да ве излаже. Личноста која ве лаже ќе каже „не“ и ќе гледа во друга насока или пак ќе ги затвори очите додека изговара.
- Следете ги промените во однесувањето
Ако личноста наеднаш почне да губи памтење за некои работи, одговара кратко и зборува формално – најверојатно лаже. Освен тоа, претераните суперлативи се очигледен знак за промени во однесувањето.
- Барајте да ви ја раскажат приказната од назад
Луѓето кои ја зборуваат вистината, без проблем ќе ви ги изнесат сите факти без оглед на тоа за кој период зборуваат. Лажговците ги паметат своите приказни онака како што ги замислиле и знаат да ги раскажат само во тој редослед.
Ако некој сака да остави добар впечаток, се согласува со вашите ставови и постојано ве фали – најверојатно лаже.
- Поставете дополнителни прашања
Кога истражувате подлабоко, при дополнителните прашања и детали, луѓето кои ја кажуваат вистината без проблем ќе ви ги дадат одговорите, но оние кои лажат не може буквално на сè да се подготват.