Арте Ван и Ерика Херис од минатата недела веќе се маж и жена, меѓутоа она што ја прави единствена нивната приказна е податокот дека за прв пат се видоа неколку минути пред да стапат во брак. Имено, тие двајца беа Instagram пар, што значи дека всушност се забавувале само преку таа социјална мрежа. За прв пат се запознале во март минатата година, а нивниот контакт започна на тој начин што Ерика случајно налетала на профилот на Арте и ја привлекла сликата од неговиот аватар, односно профилната фотографија.
Поточно и двајцата користеле исти хаштагови поврзани со поезија, а судбоносниот збор кој ги споил бил #7deadlysins преку кои Ерика објавила една песна. Лајк по лајк и наскоро станале пријатели, а еднаш откако заклучиле дека допишувањето веќе не им е доволно, нивниот однос прераснал еден чекор нагоре – телефонски разговори. По два месеци дошло и до првата криза, бидејќи Ерика, која веќе е мајка на тројца синова, почувствувала како Арте се повеќе и станува драг, па во мај ја прекинале комуникацијата и ги избришале профилите. Но, повторно се споиле во септември, а во меѓувреме се родила идеја својата љубов да ја крунисаат со брак. Арте наеднаш дал отказ на работата во Њујорк и купил билет во еден правец до Калифорнија.
Како изгледаше нивната прва средба во Онтарио, забележале сите камери кои во моментот се нашле таму, но и повиканите новинари, кои ги пренеле неговите зборови: Не ги слушајте своите мисли, не ја слушајте својата глава. Следете го срцето и душата.