Тагирањето на фотографии објавени на Facebook, е навистина интересна функција на најголемата социјална мрежа. На тој начин ги потсетуваме луѓето на слика од матура или некој друг интересен настан кој ни се случил.
Но, веруваме дека на сите ви е јасно дека на сликите на Facebook не би смееле да се тагирате ако се фатени со нешто што не би сакале да го поделите со целиот свет, уште повеќе ако тоа нешто не е баш законско.
Ирецот Роберт Драгх, очигледно за тоа не размислувал кога се тагирал на фотографија на која се прикажани уличните нереди во кои биле повредени 29 полицајци.
Тој по тие нереди бил уапсен бидејќи е снимен од надзорните камери, но полицијата не можела да докаже дека тој учествувал бидејќи на снимките на сите учесници им биле прекриени лицата со марами.
Но тој не сакал да остане анонимен пред своето друштво, па на Facebook објавил фотка од самиот настан на која уредно се тагирал.
Откако му биле претставени доказите, младиот Ирец ја признал вината за учество во немирите и судот го казнил на две години затвор од кои најмалку една ќе мора да помине позади решетки.
На судот изразил жалење и рекол дека се срами, што му е земено како олеснување.
Нас не интересира дали му е срам што бил толку „паметен“ да се тагира?