Со сè повеќе инвестиции и иновации во областа на истражување на вселената, како и со планираните колонии на Месечината и мисии кон Марс со човечки екипаж, ISS (International Space Station), 20 години старата вселенска станица, има потреба од некакво обновување. И ќе го добие – во вид на нова технологија дизајнирана да формира основа на мрежа во стилот на интернет мрежата, која би се протегала низ нашето космичко соседство.
Технологијата е наречена DTN (Delay/Disruption Tolerant Networking) и всушност претставува интернет за сончевиот систем.
Традиционалните интернет протоколи бараат сите јазли со податоци во патеката на пренос да бидат достапни во ист временски рок (значи да се препраќаат одеднаш), додека DTN функционира така што овозможува автоматски и сигурен систем на „зачувување и препраќање“ на (расцепканите) пакети со податоци еден по еден, кои повторно се „составуваат“ кога ќе пристигнат на финалните дестинации - станици на Земјата, роботски летала во вселената, па дури и (можни) колонии на други планети.
Ваквиот начин на испраќање на податоци е одличен во вселенски услови, бидејќи дури и некоја планета или вселенски објект привремено да ја блокира комуникациската рута, пораката во секој случај ќе биде испратена и примена.
ISS ја додала DTN технологијата во нејзиниот Telescience Resource Kit, каде што е достапна за јавноста во облик на Open-source код. Според NASA, ова може да е прв чекор во евентуалното формирање на интернет наменет за целиот сончев систем.