Ќе ви го стопли срцето: Девојка со Даунов синдром го прекина преносот во живо Во еден шопинг центар, еден новинар снимил прилог во живо, кога забележал дека неговата камерманка се смешка зад камера. Се свртел и видел дека девојката Џорџија Кноли била воодушевена што се наоѓа пред камера.
Девојката со Даунов синдром почнала да плеска со рацете и да се разубавува за пред камерата. Таа со задоволство застанала пред објективот и ги поздравила своите родители, велејќи дека ги сака.
Видеото е објавено на Facebook каде што е споделено над 3 милиони пати. Меѓу коментарите се нашол и коментар на сестра и на Џорџија, во кој пишувало: Секогаш наоѓа начин како да не насмее. Таа е светлото на мојот живот и моја најдобра пријателка.
Репортерот иако бил навикнат на прекини во прилозите кои ги правел во живо, вели дека ова му е еден од најдобрите прекини кој ги доживеал во неговата кариера.
|