Во последните пет години во Сирија може да се видат различни сцени од тажни лица, ранети личности и деца кои не знаат што се случува.
Последното видео, објавено од локалниот медиумски центар во Алепо, АМС, прикажува тажна снимка од детенце на возраст од 4 до 6 години.
Болничарката успева да го извади детето од рушевините и да го однесе во болничката кола, а при тоа излегува за да притрча по други дечиња. Детенцето е целосно во шок и не знае што се случува.
Се фаќа за главчето и гледа дека има крв, не знае од каде да се избрише затоа што е прикриено во крв и прашина. Пристигнуваат и другите дечиња и еден човек, кој најверојатно е нивен родител.
Видеото е невозможно да го гледате рамнодушно. Илјадници луѓе го споделуваат на интернет и апелираат да се запре војната и итно да се реагира.
Секојдневно умираат невини луѓе, а останатите живеат во страв за да не ги бомбардираат како што тоа се случило и со овие дечиња. Алеп уште од почетокот на војната во Сирија е постојано во центарот на конфликтите помеѓу режимските сили на Башар ал Асада и бунтовниците. Ова видео не е единствено. Кога ќе истражите подлабоко, ќе видите во колкава агонија живеат тие жители.
