Синоќа целата Америка беше пред своите телевизиски екрани, бидејќи се одржа најголемата дебата на сите времиња, помеѓу ривалите Хилари Клинтон од Демократската партија и Републиканецот Доналд Трамп.
Сите посакуваме дебати од овој тип помеѓу двата кандидати на најголемите политички партии, но кај нас тоа се случило само еднаш. Сега, со оглед на тоа дека се закажани избори за декември, многу добро би било доколку се одржи дебата со цел луѓето да одлучат кој е подобар кандидат и за кого би го дале својот глас.
Но, дотогаш, да се вратиме на американската дебата, во која според многумина победи Хилари. Тие разговараа на различни теми од трговска политика, преку даноците на Трамп, па сè до решението со Иран.
Трамп успеа да победи во три добри теми, меѓу кои за NAFTA, проблемите во Средниот исток и историјата на Хилари со лошото и лудо искуство во јавниот живот. Но, тој не можеше да се контролира секогаш кога демократката го напаѓаше со многу добар план.
Кога таа собра доволно самодоверба, го нарече расист и сексист, со оглед на неговото однесување во последните неколку месеци. Некои сметаат дека таа дури и претерала, но до крајот на дебатата, Трамп не беше кандидатот за кој повеќето би гласале.
Кога водителот Лестер Холт на крајот стана поагресивен, дебатата изгледаше само како една вежба за да се тестираат познавањата на Трамп и неговите настапи во најголемите моменти од кампањата. Тој не успеа добро да се снајде со прашањата од противничката кои опфаќаа: зошто тој не ги објавил даноците, можностите и дилемите околу Афроамериканците, историјата со неговиот бизнис и улогата на Русија во хакирањето на Америка. Сепак и плесна во фаца на Клинтон дека ќе објави за неговите даноци, кога таа ќе ги објави сите 33.000 избришани мејлови.
Хилари пак од друга страна, призна дека многу се подготвувала за оваа дебата и тоа и служело како тест за колку би била подготвена и како претседател. Успеа успешно да му се пикне на Трамп под кожа, со што започна да му се обраќа само по име, па потоа да го удри право по неговите даноци. Многупати направи Трамп да каже дека се согласува со неа, што за еден претседателски кандидат и не е така добро, кога само се согласуваш, без да образложиш. Исто така, го потсети Трамп дека тој е само еден добар бизнисмен, за разлика од неа која има огромно искуство во политиката како државен секретар.