Во астрологијата, Венера е планетата на љубовта, убавината, хармонијата, естетиката, задоволството и личните вредности. Таа го покажува начинот на кој сакаме, како примаме и даваме љубов, како се поврзуваме со другите емотивно и каков е нашиот вкус,од уметност, мода и дизајн, до избор на партнери и уживања.
Венера во наталната карта ја открива твојата љубовна природа, што те привлекува, како флертуваш, како изразуваш чувства како и каква динамика носиш во партнерствата. Во машката натална карта, таа често го опишува и типот на жена што го привлекува мажот, додека кај жените, начинот на кој ја изразуваат својата женственост.
Ако не ја знаеш положбата на Венера во својата натална карта, можеш бесплатно да ја добиеш онлајн. Ќе ти требаат датумот, времето и местото на раѓање.
Веб-страни каде можеш да ја добиеш наталната карта се:
- Astro.com
- AstroSeek
- Cafe Astrology
Венера во Овен
Начин на љубов: Страстен, директен, импулсивен
Што привлекува: Возбудливи, енергични, независни луѓе
Израз на љубов: Со акција, иницијатива и авантуризам
Овие личности се заљубуваат брзо и со жар. Љубовта е игра, предизвик и освојување. Потребна им е драма, возбуда и динамика. Не трпат рутина во љубовта и сакаат партнер кој ќе го предизвика нивниот дух. Може да делуваат себично, но се лојални кога навистина се заљубени.
Венера во Бик
Начин на љубов: Нежен, стабилен, сензуален
Што привлекува: Природна убавина, луксуз, допир
Израз на љубов: Преку храна, подароци, физичка нежност
Овие луѓе сакаат стабилност, сигурност и сензуални задоволства. Љубовта е спокојна, длабока и посветена. Тие се верни и сакаат стабилни партнери со кои ќе создадат дом и хармонија. Венера овде е во свое владение, што ја прави особено силна и изразена.
Венера во Близнаци
Начин на љубов: Игрива, интелектуална, флертувачка
Што привлекува: Интелигенција, хумор, комуникација
Израз на љубов: Преку зборови, разговори, забава
Венера во Близнаци бара ментална стимулација. Љубовта е игра на зборови, смеа и нови искуства. Не ги трпат здодевните односи. Тие можат да бидат променливи или непостојани, но со вистинскиот партнер се забавни, разиграни и љубопитни.
Венера во Рак
Начин на љубов: Емотивна, грижлива, чувствителна
Што привлекува: Топлина, семејни вредности, сигурност
Израз на љубов: Преку грижа, заштита, емотивна поврзаност
Ова се луѓе со длабоки чувства. Тие сакаат партнер со кого ќе можат да создадат семејство и емоционално засолниште. Лесно се повредуваат и имаат потреба од разбирање и емпатија. Љубовта за нив е дом, потпора и топлина.
Венера во Лав
Начин на љубов: Драматична, лојална, страсна
Што привлекува: Харизма, шарм, стил
Израз на љубов: Преку гестови, дарежливост, гордост
Овие личности сакаат да бидат обожавани. Љубовта за нив е театар, сакаат да сакаат и да бидат сакани со страст и гламур. Лесно се заљубуваат, но бараат внимание и признание. Верни се кога вистински се почувствуваат ценети и сакани.
Венера во Девица
Начин на љубов: Практична, скромна, аналитична
Што привлекува: Интелект, дисциплина, грижа за детали
Израз на љубов: Преку помош, грижа, услуги
Венера во Девица не покажува љубов со драми, туку со конкретни дела. Љубовта е практична, ќе ти помогне, ќе се грижи, ќе ти покаже дека ти е важен. Сака чистота, ред и верност. Може да биде критична, но секогаш сака да ја направи врската подобра.
Венера во Вага
Начин на љубов: Романтична, дипломатска, избалансирана
Што привлекува: Елеганција, шарм, хармонија
Израз на љубов: Преку естетика, убавина, партнерство
Венера во Вага е во својата втора владејачка позиција, што ја прави особено силна. Љубовта е партнерство, заедништво, естетска размена. Овие луѓе бараат хармоничен однос, љубезен партнер и убаво уреден живот. Сакаат да сакаат и да бидат сакани со стил.
Венера во Шкорпија
Начин на љубов: Интензивна, посесивна, трансформативна
Што привлекува: Мистерија, длабочина, сексуалност
Израз на љубов: Преку страст, интимност, преданост
Ова е позиција на Венера во пад, но со огромна сила. Љубовта овде е длабока, трансформира, понекогаш и уништува. Овие луѓе не сакаат површни врски, сакаат сѐ или ништо. Можат да бидат љубоморни или контролирачки, но кога сакаат, даваат сѐ од себе.
Венера во Стрелец
Начин на љубов: Слободољубива, оптимистична, авантуристичка
Што привлекува: Интелект, хумор, слобода
Израз на љубов: Преку искуства, патувања, филозофски разговори
Овде љубовта е поврзана со слободата и широчината. Венера во Стрелец сака партнер со кого ќе може да расте, учи и патува, буквално и симболично. Сакаат да инспирираат и да бидат инспирирани. Односите мора да се базираат на доверба и простор.
Венера во Јарец
Начин на љубов: Сериозна, одговорна, резервирана
Што привлекува: Амбиција, стабилност, зрелост
Израз на љубов: Преку посветеност, градење заедничка иднина
Овде љубовта е трпелива и темелна. Овие луѓе не се заљубуваат лесно, но кога ќе го сторат тоа остануваат. Ги привлекуваат сериозни, целосни личности. Љубовта е инвестиција. Често ги изразуваат чувствата преку дела, а не зборови.
Венера во Водолија
Начин на љубов: Интелектуална, неконвенционална, дистанцирана
Што привлекува: Оригиналност, слобода, пријателство
Израз на љубов: Преку разговор, споделување идеи, слобода
Венера во Водолија сака неконвенционални врски и партнери кои мислат поразлично. Прво се поврзуваат ментално, а потоа емоционално. Често ги привлекуваат необични односи и отворени партнерства. Слобода е нивната најголема вредност.
Венера во Риби
Начин на љубов: Романтична, пожртвувана, духовна
Што привлекува: Мистичност, уметност, добрина
Израз на љубов: Преку соништа, фантазии, емпатија
Ова е егзалтација на Венера, тука таа е возвишена, идеалистичка и безусловна. Овие луѓе сакаат со душата. Нивната љубов е често романтична, па и идеализирана. Можат да се жртвуваат за љубов, да простат сѐ, да дадат сѐ. Имаат силна интуиција во односите.