На интернет се појави моќна фотографија од една двојка, која го носи својот 2-годишен син низ болнички ходник, откако завршиле со свадбената церемонија. Селија и Геф Кинзел го крунисаа својот брак токму овој месец во капелата во детска болница во Колумбус, Охајо, каде што се лекувал нивниот син Логан.
- Сите беа тажни поради оваа фотографија. Се надевам дека фотографијата ќе ја подигне свеста за детскиот рак. Пред ова да му се случи на Логан, мислев дека тоа ретко им се случува на деца. Се надевам дека со ова ќе сфатат луѓето дека и ракот кај децата е чест случај, изјавила неговата мајка.
На Логан му дијагностицирале рак од 4-ти степен во ноември, откако поминал пет хемотерапии.
- Тој е шармер, ќе ве погледне и ќе се заљубите во него. Се уште се смее и си игра. Некои денови е мрзлив, но најчесто е среќно двегодишно дете.
Селија и Геф се вериле во 2015 година, но решиле да направат свадба само поради него. Инаку, свадбената церемонија била закажана за јуни, 2018 година. Сепак, решиле да се венчаат во црквата, бидејќи не знаеле дали ќе издржи до идната година. Оваа свадбена церемонија се одржала меѓу најблиските членови на семејството, вклучувајќи го и 4-годишниот Рован, нивниот прв син. Среќни се што Логан успеал да ја издржи церемонијата.