Би имале ли храброст да одите во нудистички ресторан?

Минатата година во Тенерифе се отвори нудистички ресторан, кој нуди многу скапо мени, но тоа не ги спречува посетителите да резервираат маса.



Ресторанот е прочуен по дрес кодот – доволно ви е само вашето тело, односно голата кожа. Токму затоа е нудистички ресторан. Во самиот објект се е подредено на тој начин што се слави убавината на човечкото тело. Самата цел на ресторанот е да пружи „оргазмичен амбиент“.



При самото влегување, гостите мора да ги остават своите мобилни телефони, фотоапарати и камери, со цел интимноста да се зачува. Потоа се упатуваат кон кабина за пресоблекување, а откако ќе се соблечат и во салата на ресторанот.

Масите се разделени со ѕидови изработени од бамбус, па гостите нема да имаат проблем од тоа дали ќе ги види некој познат.



Понудата на куќата вклучува мени „афродизијак“, а гостите ги послужуваат топ модели од двата пола. Врв на вечерата е десертот „Happy ending“. Голите тела на келнерите се преливаат со топло чоколадо, а гостите имаат привилегија слаткиот деликатес да го јадат со јагоди. Невообичаено искуство, нели? Но, за овде не ви треба само храброст, туку и длабок џеб. Некои од престижните квалитети се „кашеста фантазија“, која чини 150 евра, а се работи за јадење кое содржи октопод, компир и пиперка.

Сопственикот Тони де Леонардис вели дека инспирацијата ја добил во еден лондонски ресторан и верува дека луѓето во овој островски град ќе се навикнат да вечераат голи.