Сè повеќе и повеќе градови се вртат кон природата за да го редефинираат нивниот урбан пејзаж.
Вертикални шуми се градат во кинескиот град Нанџинг со цел да помогнат во борбата против неконтролираното загадување на градот, а слични такви се веќе изградени во Италија и Швајцарија.
Сега, Брисел планира да изгради три вертикални структури користејќи рециклирани материјали, обновливи извори на енергија и 30 000 билки, кои треба да претставуваат почеток на една далеку поеколошка иднина, а за тоа ќе биде задолжена фирмата Vincent Callebaut Architecture.
Сега напуштената локација наречена “Tour and Taxis” која порано била пристаниште, па складиште, па железничка и поморска станица, ќе биде трансформирана во импресивен „зелен рај“ во кој ќе бидат изградени масивни 90-метарски структури делумно напојувани од соларни панели. Огромниот број на билки ќе биде беспрекорно интегриран во зградите, кои ќе апсорбираат 175 тони јаглерод диоксид (CO2) годишно.
Покрај разубавувањето на естетиката на оваа локација, вертикалните шуми ќе обезбедуваат мешавина од станбени, комерцијални и деловни простори изградени врз иновативни и одржливи градбени принципи.
Инаку, целиот план сè уште чека одобрување, па да се надеваме дека ќе го добие што поскоро.