Луѓето летаат поради различни причини, па имаат различни однесувања и очекувања од летот.
Стјуардесите се експерти што се однесува на целиот процес за летање, па дури и за препознавање на луѓето кои патуваат со нивната компанија. Знаат што да бараат, а исто така и знаат како да се однесуваат во одредени ситуации.
Веднаш штом ќе зачекорите во авион, веќе вашата енергија е ставена на пиедестал.
- Кога ве поздравуваме на вратата, забележуваме дали нè поздравувате со насмевка или со ладно „здраво“, вели Авалон Иризари, дел од екипажот на American Airlines.
Тие се свесни за вашиот багаж, на тоа колку торби носите и колку се големи. Една од причината за овие забелешки е тоа дали ги исполнувате правилата на авионот. Ако со вас носите премногу торби, стјуардесите ќе ви помогнат да се сместите за брзо време. Ако некој изгледа дека е пијан или агресивен, тие ќе го смират и ќе направат да не се случи никаков инцидент. Исто така, ви помагаат доколку со вас има деца, бебиња или ако сте повредени.
Ако забележите како стјуардесата ве набљудува од глава до пети, шансите се да не сте облечени соодветно.
- Би се изненадиле на целата облека која може да ја носат некои луѓе. Кога со часови се возите во авион, интересно е да гледате како на некои луѓе им е неудобно поради она што го облекле и како не можат да одат во тоалет поради целата облека на нив, додава Иризари.
Исто така, тие не сакаат луѓето да се шетаат боси или со влечки, бидејќи подот на авионите е мошне нечист.
Особено ги забележуваат реакциите на луѓето кои се возат во прва класа, бидејќи тие сакаат да им се обрнува поголемо внимание и да не чекаат долго време.