Девојче со смртоносен рак пресреќнo поради свадбата со најдобриот другар

Многумина сонуваат за денот на нивната свадба, а тоа не беше исклучок и за 5-годишната Ејлеид Петерсон, која е болна од рак. Таа за жал, има редок случај на канцер кој се разбива во нервните ткива и е смртоносен.

Кога Ејлеид и нејзиното семејство открија дека ракот е смртоносен, напишаа една листа за се она што таа сака да направи.


- Кога во февруари ни кажаа дека таа се одржува само со терапијата и дека нема да преживее, одлучивме да направиме листа на сите работи кои сака да ги направи и да направиме што е можно поголем број на спомени со неа, изјави мајката на девојчето, Гејл.

Таа побарала да го посети Disneyland во Париз, да и ја обојат собата во розова боја, да посети зоолошка, но најслатката и најголемата желба на Ејлеид била да се омажи за нејзиниот најдобар друг, 6-годишниот Харисон Гриер.


- Уште пред една година, Харисон кажа дека ќе се омажи со Ејлеид, дури и украде еден од моите прстени за да и го даде на Ејлеид. Многу се поврзани еден со друг, изјавила мајката на Харисон, Стефани.

Поради тоа, двете фамилии одлучиле да приредат свадбена церемонија, која се случи на 18 јуни, заедно со сите супер херои. Во просторијата, Ејлеид влегла заедно со нејзиниот постар брат Калум, а во позадина свирела некоја детска песничка. На крај кога се сретнале еден со друг покрај „олтарот“ си кажале „најдобри другари засекогаш“. Наместо прстени, двајцата си размениле ѓерданчиња за да го обележат патот кој го поминале заедно.


- Се правиме за да и го олесниме животот, да и го направиме покомфорен и магичен.. Таа дефинитивно го заслужува тоа. Ејлеид е најхраброто мало девојче во светот и е еден супер херој, изјави мајката на Ејлеид.