Владата на Велика Британија ги објави и последните тајни документи во врска со НЛО феномените и сега 15 од 18 се на располагање на јавноста. За жал, тие сè уште не се дигитализирани, па кој сака да ги чита ќе мора тоа да го направи во Националната Архива во Лондон.
Непостоењето на дигитални копии уште толку ги подгреа теориите на заговор, особено после изјавата на министерството за одбрана дека во ниеден од тие извештаи не било откриено ништо што сугерира на присуство на вонземјани или на воена закана за Велика Британија.
Поголемиот дел од документите биле објавени во 2013, а во 2014 било објавено дека 18 документи не се објавени бидејќи содржеле одредена содржина која министерството за одбрана смета дека не треба да е на располагање на јавноста. Тие документи биле повторно преиспитани пред сега да се објават.
Меѓу најинтересните извештаи се неколкуте забележувања на НЛО од 2008-2009, кога бил пријавен 851 случај. Неколку луѓе опишале дека виделе бели, портокалови и црвени светла како лебдат на небото. Некои од нив во формација, некои се движеле горе и долу, а некои во насока спротивна од дувањето на ветрот. Сите овие инциденти се испоставило дека се кинески фенери кои биле пуштани на свадби во близина на сведоците.