Според Фенг Шуи постојат предмети низ домот кои ја блокираат позитивната енергија, а ја привлекуваат и шират негативната.
Според тоа постојат неколку предмети од кои е пожелно што побрзо да се ослободите.
Суво цвеќе
Цвеќињата симболизираат развој и напредок. Исушеното или овенатото цвеќе претставува застој и не дозволува напредок на било кое поле.
Затоа побрзајте со изборот на нов букет или пак засадувањето на ново растение кое ќе го освежи вашиот простор.
Скршени предмети
Најверојатно сте слушнале дека скршено огледало носи седумгодишна несреќа. Според Фенг Шуи скршените и неупотребливи предмети со текот на времето имаат негативно влијание врз вашиот живот. Од таа причина подобро е просторот на домот да биде празен отколку исполнет со овој тип на ствари.
Подароци од личности кои не ги сакате
Сигурно барем еднаш сте примиле подарок од личност која знаете дека не ви е даден со позитивни намери. Секако дека како добар гест сте го прифатиле овој знак на внимание, но чувањето на овој вид подароци влијае на вашата среќа и хармонија. Дозволете си себеси да се ослободите од нив преку донација или пак едноставно подарете ги на друга личност.