Во тиркизните води во една лагуна на Тахитите ќе почне да се гради првата пловечка комуна во светот.
Сингапурската стартап компанија Blue Frontiers потпишала меморандум со владата на Француска Полинезија со кој се обврзува да изгради пловечко село на јужната страна на главниот остров на Тахити, чија изградба треба да започне во 2020 и да чини 60 милиони долари.
Селото ќе користи како „изложбено место“ и локација за тестирање на технологии кои ќе бидат потребни да се креираат многу поголеми пловечки заедници.
Тоа ќе биде сместено во внатрешноста на заштитниот корален гребен на островот, во вода длабока околу 30 метри, на 900 метри од брегот.
Според планот, таму ќе живеат и работат 200 до 300 луѓе на пловечки платформи кои ќе бидат поврзани со пешачки патеки во комбинирана област од скоро 700 квадратни метри. Ова село се очекува да напредува преку комбинација на еко-туризам и нови водни индустрии како одгледување на алги и произведување енергија од брановите.
Oд далечина, селото ќе изгледа скоро идентично на природно острово, со зелени „живи кровови“ од градини кои исто така ќе помагаат за филтрирање на отпадната вода.
Објектите ќе бидат конструирани со рециклирани материјали секаде каде што тоа е возможно, како и со локални обновливи материјали како што е кокосовото дрво.
