Доколку барате идеи за тоа како да го декорирате вашиот дом за празниците тогаш сте на вистинското место.
Оваа година е актуелно декорирањето со мотив на природата, па предноста на овие декорации е тоа што можете самите да ги направите. Затоа засукајте ги ракавите и фатете се за работа.
1. Цитрусно овошје
Одличен начин да донесете свежина во вашиот дом е да ја декорирате елката со суво цитрусно овошје. Се што треба да направите е да исечете тенки кругови од портокал, лимон и грејпфрут и да ги ставите на хартија за печење во загреана рерна од 80 степени. Сушете околу 1 час и половина од двете страни. Одлични се за декорација на елката, каминот и на зелените гранки како декорација на оградата.
2. Зимзелени гранки
Секогаш е добро да се искористи она со кое природата располага. Земете неколку зимзелени гранки и искористете ги како декорација за центарот на трпезата, за да уредите околу каминот или пак да наредите неколку гранки по скалите за уште повеќе да се почувствува празничната атмосфера.
3. Користете стапчиња цимет
Кога ќе ја почувствувате аромата на цимет, знаете дека е дојден периодот на Нова година и Божиќ. Со само неколку стапчиња од цимет можете да направите креативни предмети кои ќе бидат одличен украс за празниците.
