Во пресрет на Новогодишните празници, Македонски Телеком ја освежува својата понуда на ТВ канали достапни на MaxTV, со нови и интересни содржини, во кои може да се најде по нешто за секој гледач. Значителен број од нив ќе бидат достапни за сите корисници на MaxTV.
Од 31-ви декември понудата ќе биде збогатена со ултра популарниот BBC Earth канал, познати ТВ канали за готвење, како и инспиративни содржини од едукативен и забавен карактер.
За љубителите на спортот тука се спортските содржини од Sport Klub HD додека оние кои сакаат да погледнат по некоја високобуџетна историска драма, ќе можат да го направат тоа на новиот канал, Viasat Epic Drama.
Планетата Земја со сета своја убавина и грандиозност
BBC Earth, кој ќе се емитува на местото на Discovery Channel, е познат по својата богата понуда од извонредни документарци меѓу кои „Сината планета 2“, „Природни чуда на Земјата“, „Aфрика“ и „Животински супер сетила“.
Овие четири серијали на драматичен и забавен начин ја доловуваат природата и животинскиот свет со сета своја грандиозност и неповторливост. Љубителите на документарните серии ќе имаат можност да погледнат низа на ретки, а воедно и поучителни содржини кои раскажуваат неверојатни приказни за планетата Земја, науката и животот.
„Сината планета 2“ е една од најпопуларните документарни програми за 2017-та година, која става акцент на човечкото влијание врз природата, загадувањето на океаните и проблемите со кои што тие се соочуваат.
Од мистичните длабочини на сините океани, BBC Earth нè носи на неповторливо патување низ најубавите пејзажи на нашата планета, а воедно ни дава поинаква перспектива на животинското царство.
Во светот на добрата храна и урбаното живеење
Каналите Food network и Kitchen TV се како совршени за сладокусците и гурманите, а воедно и за гледачите кои едноставно сакаат да научат по некој нов вкусен рецепт.
Доколку ја преферирате американската кујна, Food network нуди импресивна листа на шоу програми, меѓу кои и популарните „IronChef - Showdown“ и „Giada Entertains“.
За оние кои сепак сакаат нешто балканско, тука е Kitchen TV со рецепти од регионот кои може да се погледнат во серијалите како „Kod Ane“, „Stevo Karapandža i Lepi Brka“ и „Šefice“.
Припадничките на понежниот пол, како и сите оние кои се заинтересирани за модата, животниот стил и урбаното живеење ќе се пронајдат во содржините на Женска ТВ. Овој сосема нов канал во понудата на МaxTV воедно нуди и богата листа на играни филмови и серии.
Спортски содржини за сечиј вкус
Во делот на спортските содржини, освен ексклузивните натпревари од Лигата на шампиони и од Лигата на Европа, за спортските фанови се проширува достапноста на канали кои досега можеа да се гледаат само во дополнителни пакети.
Така, сите MaxTV корисници отсега ќе можат да гледаат Sport Klub HD, Лов и риболов и Fight Network како замена за Eurosport каналите.