Минатата недела се појавија гласини дека руското хиперсонично летало кое може да отскокнува низ горната атмосфера и може да носи потенцијално нуклеарно наоружување можеби ќе биде спремно за употреба во воени цели до 2020.
Наречено Avangard, тоа може да патува со брзини од 5000км/ч. , а наводно било тестирано најмалку 3 пати досега, од кои 2 теста биле успешни. Четвртиот тест се очекува летово.
Ваквите „хиперсонични оружја“ се дефинирани како било што кое може да патува најмалку 5 пати побрзо од брзината на звукот, може нагло да менува правец за време на летот, и да лета на мала височина.
Испораката на боевата глава кај вакво летало е исто така неконвенционална. Тоа би било поставено на врвот на интерконтинентални балистички ракети, и би се одвоило на одредена височина за да аеродинамички повторно навлезе во земјината атмосфера, достигнувајќи хиперсонични брзини.
Дури и без експлозивна боева глава, моментумот кој ќе го има леталото ќе биде доволен за предизвикување на значителна штета при неговиот удар на земјата.
Многу од тврдењата на Русија во врска со аеродинамичките способности на овие ракети најверојатно се вистинитти – САД и Кина веќе (неуспешно) ги имаат тестирано сопствените верзии уште од 2010, а Франција и Индија сакаат да го сторат истото.
Моментално најголемиот ризик е тоа што користењето на ваквите оружја не е лимитирано со разните спогодби како за конвенционалните ракети.