Минатата година се појавија декласифицирани видеа од разни средби со неиндетификувани летечки објекти (НЛО) и извештаи од тајна програма на Пентагон која ги истражувала истите.
Сега „протекол“ уште еден таен воен извештај кој опишува неколку наврати кога морнарицата на САД детектирала „аномални воздушни возила“ (Anomalous Aerial Vehicles – AAV) во 2004.
Извештајот експонира бројни мистериозни забележувања на AAV помеѓу 10 и 16 ноември 2004, именувано како USS Nimitz НЛО инцидент.
Инцидентот претставувал серија на чудни средби со леталата во период од една недела, кои нагло се спуштале од височина од 15km на 15m за само неколку секунди.
Откога ќе го стореле тоа, тие останувале неподвижни на радарите краток временски период, пред да исчезнат со големо забрзување и нагли менувања на насоката.
Еден од инцидентите е снимен на видео материјал кој може да се погледне на YouTube на страницата на To The Stars Academy of Arts & Science, кога два авиони го пресретнале едното AAV со визуелен контакт кој го опишувал како „развлечено јајце“ или „форма на тик-так бомбона“ со должина од околу 14m.
Според воените проценки од документот – каде најмалку еден набљудувач вели дека е наменет за Пентагон, а не е пишан од луѓе од Пентагон – AAV кое било забележано не било ниедно познато летало или возило од инвентарот на војската на САД или било која друга странска нација.
Сега засега е тешко да се процени автентичноста на извештајот, а изворот од Пентагон вели дека тие не се во можност да ја потврдат истата.