Пожарот кој синоќа го зафати Нотр Дам со својата разорна моќ ја уништи главната кула на катедралата, а набрзо и целиот покрив. Повеќе од 400 пожарникари учествуваа во справувањето со огнената стихија, а еден од нив беше повреден.
Огнот конечно беше ставен под контрола околу 3 часот наутро. Во меѓувреме градските власти изјавија дека и покрај големата штета која што настана, конструкцијата на Нотр Дам е спасена.
Сопругот на актерката Селма Хајек, милијардерот Франсоа-Анри Пин, е прв од познатите личности кој ќе издвои 100 милиони евра за реконструкција на катедралата по пожарот. Како изгледа она што остана од неа погледнете во прилог.