Анимираниот спот за песната „Еаrth“ (Земја) на комичарот-рапер Лил Дики, за само десетина часа од објавувањето собра над три милиони прегледи на YouTube.
Денеска се одбележува Денот на планетата Земја и песната е посветена на него. Вкупно 32 светски ѕвезди имаат свој удел во овој видеоспот, меѓу кои и Аријана Гранде, Каније Вест, Ед Ширан, Sia, Џастин Бибер, Снуп Дог, Леонардо ди Каприо и други.
– Сè почна како едноставна шега, но се претвори во најважната задача која некогаш сум ја имал, изјави Лил Дики за списанието „Тајм“.
Toj откри дека дел од приходите од песната ќе одат за фондацијата на Леонардо ди Каприо, што се занимава со заштита на околината и со кампањи за климатските промени.