Хари Рид, поранешен официјален претставник на мнозинството во американскиот Сенат, тврди дека Владата на САД прикрива информации за НЛО-а со години.
– Тоа е многу лошо за нашата земја… Повеќето (од случаите) не излегле во јавноста, изјави Рид.
Во новиот документарец „Феномен“ на режисерот Џејмс Фокс, се говори за неколкуте случаи кога Морнарицата на САД забележала НЛО-а, коишто неодамна беа потврдени од американските власти. Се разгледува и еден новообјавен извештај на морнарицата од 1967 година, како и други случаи над и вон САД.
– Ако сѐ зависеше од претседателот, овие податоци никогаш немаше да бидат објавени, вели Рид во документарниот филм.
Според неговото кажување, тој учествувал во изготвувањето на законите околу строго доверлива американска владина Програма за НЛО-а. Вели и дека треба да се потрошат и повеќе пари за проучување на овие појави.
НЛО-стручњакот Ли Шпигел, поранешен новинар на весникот „Huffpost“, смета дека вистината треба да се прикаже заради безбедноста на сите луѓе и нации на нашата планета.