Десетици илјади луѓе викендов се собраа во турскиот град Селцук за да гледаат годинешното првенство во борба со камили.
На годинешното натпреварување учествуваа 130 машки камили. Машките камили во природа за време на сезоната на парење се борат за женки.
За една камила да биде прогласена за победник на натпреварот, другара мора да падне или да побегне од арената во која се борат. Сепак, повеќето мечеви завршија нерешено, затоа што сопствениците се плашеле дека нивните драгоцени камили може да се повредат.
Борбата со камили веќе сто години привлекува голем број посетители на западот на Турција. Борбите се одржуваат зимно време, затоа што тогаш настапува сезоната на парење на овие животни, а фармерите немаат многу обврски на своите поседи.