Брачен пар од Туропоље, Загреб не само што го шокираа своето семејство туку и целиот крај, давајќи им на своите деца 1.200.000 стари југословенски динара (тогашна противвредност 93.000 германски марки), кои ги чувале во перница за црните денови. Парот не знаеле дека денес тие пари веќе не вредат.
Слушајќи ги својот син и снаа како се жалат дека едвај сврзуваат крај со крај во месецот, 90-годишниот Стјепан ја повикал својата 85-годишна сопруга Ката да му ја донесе перницата од која не се одделувале со години.
- Гледаш, дојдовме до тие црни денови од кои се плашевме. Добро беше што ме послуша и штедеше, а не ги трошеше парите како што сакаше, и зборувал Стјепан на Ката.
Запрепастени и во неверување, семејството останало без здив кога бабата и дедото ги ваделе милионите во стари југословенски динара.
- Што се чудите? Ние навистина штедевме. Зарем ова не ви е доволно? Ако треба уште, ќе ги распарам и останатите перници. Не се плашете, нема да бидеме гладни. Ќе имаме за живот, бил упорен старецот, не сфаќајќи зошто толку се чудат неговите деца.