Неоспорен е фактот дека Македонија има огромен квалитет, кој едноставно не може да остане само во границите на нашата мала земја. Михаил Корубин е еден од луѓето со кои треба да се гордее секој од нас.
Овој млад македонски ултраталентиран уметник е роден во 1986-та година и е трета генерација на сликари од етаблираното презиме Корубин. Неговиот дедо Миле Корубин, како и неговиот татко Рубенс Корубин се добро познати и почитувани имиња во светот на уметноста.
Михаил веќе ја има претставено својата работа низ светот, а неговите уметнички дела од денес се дел од најновата линија на производи на „GelaSkins“, кои веќе се достапни за купувачите од целиот свет. Станува збор за една од најпознатите компании за производство на уникатни футроли за мобилни телефони за iPhone и Samsung, таблети и други производи од дигиталната технологија.
Подетални информации во врска со моделите, цената и слично, може да добиете на овој линк, а во продолжение погледнете го неверојатниот талент на Михаил Корубин отсликан на овие производи.
Ова е уште еден доказ за тоа дека македонската уметност испорачува вредности и во светски рамки!
