Црни стршлени, кои може да пораснат и до 8см, односно два пати поголеми од обичните стршелени, претставуваат огромна опасност за човештвото. Нивното присуство за прв пат било забележано во Кина, каде што усмртиле 42 лица.
Нивните убоди наликуваат на дупки од куршум и еден стршлен може да направи стотици убоди. Во 2004 година, забележани се и во Франција, а од тогаш многу се намножиле. Нивното присуство е забележано во 39 француски места, додека во Кина се наоѓаат на северот на земјата.
Се верува дека во септември и октомври стршлените се парат и тогаш се најагресивни и најмногу напаѓаат. Исто така агресивни се и во летните периоди. Забележани се случаи каде што стршлените ги бркале жртвите и до 200 метри, а жртвата колку повеќе е агресивна, толку повеќе ја напаѓаат.
Стршлените не само што ги напаѓаат луѓето, туку и пчелите. Токму на таков начин ги открил и еден пчелар од Пивка, Словенија, каде што се верува дека дошле преку Италија. За една минута стршленот може да убие 40 пчели, кои не можат да се борат со стршлените.
Имаат силен отров кој може да предизвика анафилактички шок, па дури и откажување на бубрезите.