„Лежи лебу да те јадам, стани ќебе јас да легнам“! Оваа „химна“ на Црногорците која низ вицеви се провлекува заедно со нивниот менталитет добива на целина. На 3-ти август во етно-селото Монтенегро во Брезни ќе се одржи традиционалната „олимпијада“ во лежење во ладовина.
Пријава за настанот може да се поднесе до 2-ри август, а учесниците не мораат да бидат исклучиво од Црна Гора, туку од било кој крај на светот, а добро е да се знае дека првакот ќе заработи 300 евра. Времето на лежење е неограничено, па кој најмногу ќе издржи тој ќе победи. Исто така ќе се одржи и „црногорски маратон“ на 50 метри, а исто така ќе има и натпревар во брзо пишување порака на мобилен телефон, а најдобриот ќе добие 50 евра.
- За оваа наша олимпијада се слушна и на крајот на светот. Дека лежењето не е лесно покажаа натпреварувачите минатата година. Најлошо е кога ќе дојде физиолошката потреба, а нема каде туку во вреќата за спиење. За среќа, тоа сè уште не се случило, вели Милоњ Благојевиќ.
Епа друштво, доколку себеси се сметате за мрзеливи и сакате да се испробате во „легачење“ тогаш еве ви шанса, пријавете се и имајте убав викенд.