Месото приготвено на скара има навистина добар вкус, но што е со она кое се пече на лава? Да, добро прочитавте!
Готвачот Сем Бомпас и тим на научници од Универзитетот Сиракуза покажаа како изгледа кога се готви на вештачки создадена лава загреана на температура од 1500 Целзиусови степени.
Бомпас, кој е опседнат со вулкани, имаше можност да готви месо и пченка на лава специјално направена во бронзена печка.
Професорот Роберт Височки и неговиот тим за оваа прилика потрошија 60 часа во топење на карпа во лава која непречено ќе тече во рок од 7 до 9 минути.
По успешно спроведениот експеримент, тие планираат да започнат со организирање на лава банкети каде што ќе се комбинираат образованието, возбудата и посебното доживување.