Фотографијата од 2002-та година на која еден многу млад навивач на Феенорд качен на рамениците на својот татко го покажува средиот прст сè уште е голем хит на социјалните мрежи.
Илјадници луѓе оваа фотографија ја сфатија како најдобар пример на фанатизам на фудбалските навивачи, а за некои пак тоа беше лошо домашно воспитување. Сепак, Мајкл Вилсон останал верен на тоа движење и сега, 12 години покасно.
Мајкл е едно од трите деца на Роналд Вилсон, големиот навивач на холандскиот фудбалски клуб Феенорд кој е дел од споменатата фотографија од 2002-ра година. Сликана е кога неговиот омилен клуб играл во финалето на Купот на УЕФА против Борусија Дормунд.
Пред почетокот на натпреварот била оддадена почит кон еден контроверзнен холандски политичар, кој бил убиен два дена пред финалето, поради, како што покасно изјавил убиецот, честото окривување на муслиманите за проблемите во Холандија.
На повеќето навивачи на Феенорд не им било до ќутење поради таков човек, па бурно го изразиле својот протест, а меѓу нив бил и Мајкл, со покажувањето на средниот прст иако тогаш немал ни претстава за што точно се работи, освен дека игра омилениот клуб на неговиот татко.
Дванаесет години покасно, заедно со братот Брајан и татко си, Мајл и понатаму оди на натпреварите на Феенорд, а на раката, како и татко му, има истетовирано "You'll never walk alone" (никогаш нема да одиш сам), порака која е стих од песна кој го користат навивачите на Ливерпул и Селтик, но и уште неколку навивачи групи на светот.
На фотографијата која осамна на Facebook можете да ги видите таткото и синот некогаш и сега.