На социјалните мрежи и општо насекаде по интернет, најголем хит се видеата во кои познатите личности се поливаат со кофа ладна вода.
Викендов можевме да видиме како Џастин Тимберлејк, Леброн Џејмс, Стивен Спилберг, Бил Гејтс, Марк Зукенберг, Пол Бисонет, Џими Фелон, Џенифер Лопез, Џастин Бибер и други селебрити фаци како го прифаќаат предизвикот и се полеваат и ладна вода. Целта на глобалниот предизвик е собирање финансиски средства и подигање на свеста кај луѓето за Лоу-Гериговата болест или АЛС (амиотрофична латерална склероза).
Последен во низата на познати личности кои се полеаја со вода е најпопуларниот актер летово, Крис Прат, познат по својата улога во огромниот блокбастер, „Чувари на Галаксијата“, филм кој буквално ги полни салите ширум планетава.
Крис Прат го прифати предизвикот, но неговото видео е сосема поинакво од она што го видовме до сега. Тој најпрвин открива дека добил два предизвика, па решава да направи нешто сосема невообичаено, па ја вклучува во целата приказна и водката. Повеќе не ви откриваме, оставаме да го погледнете видеото:
Инаку интересно е тоа што од 29 јули кога почна овој глобален предизвик па до денеска, фондацијата собрала повеќе од 9,5 милиони долари.
Сумата која обично се собира според американските медиуми е 1,6 милиони, што потврдува дека овие селебрити фаци прават и тоа каква голема разлика.