Во близина на Сива, оаза во западен Египет, никна неверојатен еко хотел кој буквално изгледа како песочен дворец. Во него нема струја, а користењето на мобилниот е дозволено единствено во спалните соби.
Египетскиот хотел Adrère Amellal е изграден во целост од природни материјали како песок, сол и листови од палма и благодарение на тоа што совршено се вклопува во пустинската околина.
И покрај тоа што во него не е спроведена струја, гостите можат да уживаат во луксузните соби во кое ноќевање чини од 460 долари па нагоре.
Гостите можат да уживаат на светлината од факли, свеќи и ѕвезди, што всушност е главно осветлување на комплексот со 40 соби.
Во него веќе престојуваа принцот Чарлс и војвотката од Корнвал, а платиле повеќе од 1200 долари за вечер во Кралскиот пустински апартман.
Хотелот се наоѓа на 16 километри од Сива, древниот град познат и како пророчиште на египетскиот бог Амон Ра. Го опкружуваат седум импресивни солени езера, вклучувајќи го Ал Зајтун, долго 25 километри.
- Целиот мебел кој го имаме, додатоците и украсите всушност се дела на талентирани уметници кои ја негуваат традицијата од околината на Сива, изјави портпаролот на хотелот.
