Парче торта од венчавката на принцот Чарлс и принцезата Дајана, во далечната 1981 година, е продадено на аукција за 1.375 долари, пренесуваат американските медиуми.
Колачот што се наоѓа во оригиналната бело-сребрена кутија е продаден преку интернет во Лос Анџелес, а на него се наоѓа и оригиналната порака на која пишува: „со најдобир желби, принцезата и принцот од Велс“.
Портпаролот на аукциската куќа „Сем Хелер“ вели дека купувачот е приватен колекционер и дека парчето торта го добил замотано во оригиналната хартија од восок, меѓутоа, додава дека не е добра идеја некој да се обиде да го изеде.
Тој потсетува дека постои мала, но посветена група колекционари на кралски торти и дека некои поседуваат колачи што датираат од времето на британската кралица Викторија, која се омажила во 1840 година.