Да имате малолетна ќерка воопшто не е лесно, особено ако таа созрева пред време, се смета за повозрасна и притоа е мошне активна на социјалните мрежи. Јасно ви е дека е изложена на опасност во секое време.
Можете само да го замислите шокот на Кевин Џонс, кога открил дека неговата 10-годишна ќерка има тајни податоци на Facebook и на другите мрежи, каде што лажие дека има 15, па дури и 18 години и што е најлошо – дека има момче!
Кога ја фатил на дело, девојчето се колнело дека навистина е заљубена во дечко и, иако уште рано почнала „да лета во облаците“ на Кевин му дошла на памет одлична идеја, која веднаш ја реализирал.
- Почна да ме убедува дека има момче и дека многу е заљубена и редовно се состанува со него. Да биде јасно, тоа што си направила профил на Facebook без наше знаење и што си фатила момче е целосно спротивно на правилата кои ги поставивме ние како родители. А да не зборувам за тоа што си криела и лажела за годините, изјавил нејзиниот татко.
Тој заминал во продавница, купил розови маици и џемпери и на сите испечатил „Јас имам 10 години“ и „Одам во 5 одделение“. Купил розов ранец со барбика и розови патики, многу розови ластици и шноли за коса, па самиот и направил соодветна фризура.
Не само што ја натерал да оди така облечена на училиште, туку и ја фотографирал и ја објавил фотографијата на својот профил. Фотографијата собра 4 милиони лајкови за само неколку дена!