Убавата Србинка Катарина Сречковиќ беше најатрактивното неодамнешно „засилување“ на српскиот фудбалски клуб Црвена Ѕвезда, ангажирана како водителка на официјалниот телевизиски канал на клубот. Но, сексапилната Катарина се соочува со необичен проблем, за кој е одговорна токму нејзината убавина.
За оваа 25-годишна водителка, која е дипломиран професор по кинески јазик и книжевност, пишуваат дури и британските медиуми, на кои таа им се пожалила дека неколку пати била замолена да се оддалечи од теренот бидејќи со нејзината појава ги деконцентрирала играчите.
Признала и дека се плаши дека е можно заради тоа да остане без работата за која сонувала, но играчите сепак некако успеваат колку што можат да останат приземени во нејзината близина.
- Признавам дека на почетокот тоа беше голем проблем, но мислам дека во последно време играчите се навикнаа на мене. Во еден момент ми беше многу тешко бидејќи помислив дека ќе ја загубам работата бидејќи се чинеше дека тие нема да можат да соработуваат со мене, изјавила Катарина за британскиот Daily Mail.
Исто така убавицата открила дека неколку пати била замолена да се тргне бидејќи играчите не можеле да се сконцентрираат.
Свесна за својот сексапил, големата обожавателка на Ѕвезда обожава да објавува провокативни фотографии на нејзините профили на социјалните мрежи.
Така, пред неколку дена, постирајќи нова фотографија, таа доста „скромно“ напишала: „Преубава сум, знам дека сум“.