Минатата недела се одржа еден малку поразличен настан. Имено, уметникот Гижоки успеал да дебитира на македонската уметничка сцена претставувајќи го уникатниот стил на шкртање профилни слики.
Токму овој негов стил беше прикажан во пабот „Дамар“ во кои беа обработени дела од фотографот Никола Спасеноски, кој за модели одбра познати фаци од твитер и фејсбук заедницата.
За прв пат на нашите простори пред публика беа применети алтернативни техники за цртање како крв, гипс, торта, жолчка од јајце, зачини, па дури и пламен. Публиката реагираше мошне интересно, што за момент изгледаше дека се наоѓаат на некоја рок свирка, отколку на експресионистички гиг.