Ане Бордијер и Саманта Футерман родени се на 19 ноември 1987 година во Бусана, Јужна Кореја, а посвоени се како бебиња. Ане пораснала во Франција, а Саманта во Њу Џерси.
Ане е 27-годишен дизајнер од Франција која моментално живее во Лондон. Неа ја посвоила француска фамилија уште кога била бебе. Додека пребарувала по интернет, Ане нашла видео во кое се зборува за девојка која личи исто како неа, но зборува на американско англиски јазик. Кога Ане го пребарувала името Саманта Футерман, актерка од Лос Анџелес, сфатила дека и таа е родена во Јужна Кореја истиот ден кога и Ане, но и дека е посвоена.
Во тој момент, Ане реши да стапи во контакт со неа со што и напиша порака на Facebook.
Здраво,
Јас сум Ане, Французинка и живеам во Лондон. Пред околу два месеци, мојот пријател гледаше една од твоите снимки на YouTube, па помисли дека изгледаме многу слично, речиси исто.
Денес го изгледал трејлерот за твојот нов филм и ми кажа дека повторно те видел и малку те пребаруваше по интернет за да дознае нешто повеќе за тебе. Дозна дека сме родени на ист ден 19 ноември во 1987 година. Проверив некои твои видео снимки (кои се пресмешни) и потоа го најдов видеото во кое откриваш дека си посвоена..и тогаш сфатив дека и ти исто како и јас си посвоена. Не сакам да бидам премногу нападна како Линдзи Лохан, но ме интересира каде си родена?
Јас сум родена на 19 ноември 1987 година во Бусана, но моите документи се направени во институтот „Holt Children“, па се водам како да сум од Сеул. Моето кореанско име е Ким Еунва, стигнав во Франција на 5 март 1988 година, значи по 3 месеци. Можеш да го провериш мојот профил и фотографии на Facebook. Немој да спобудалиш и да се онесвестиш..
И потоа сфатија.
Иако едната е Французинка, а другата Американка, тие се сестри близначки. По ова, следувал и документарецот „Twinsters“ во режија на Саманта Футерман и Риан Миамото, а ја прати приказната на две девојки кои за прв пат се запознаваат во Лондон, прават ДНК тест и тогаш сфаќаат дека се близначки.