Најголемиот христијански празник Велигден се наближува, а со тоа и радоста во домот околу вапсувањето на јајцата. Најлесно е да ги ставите да се бојадисаат во сад со боја, но можете да бидете малку покреативни и со малку труд да ги имате најубавите велигденски јајца.
Овој пат ви претставуваме трик за бојадисување со помош на свилен материјал со интересен дезен, со помош на кој истата шара ќе ја пресликате и на јајцата. Се изведува мошне едноставно – само следете ги наведените чекори:
1. Исечете шарени парчиња свила и исто толку парчиња бело платно.
2. Завиткајте го јајцето во свилата, а потоа во белата ткаенина и заврзете го или закачете го со шнола за коса.
3. Повторете ја постапката со останатите јајца.
4. Ставете ги јајцата во тенџере и дополнете го со вода.
5. Во водата додадете 3 супени лажици алкохолен оцет, ставете го тенџерето на среден оган да зоврие и оставете го да врие уште 15 минути.
6. Извадете ги јајцата, оставете ги да се изладат, а потоа отвиткајте ги од материјалот.
Истата свила можете да ја користите неколку пати, а резултатот е следен:
За подетално да ја проследите постапката, погледнете го видеото: