Една жена во Нов Зеланд се зарече дека никогаш повеќе нема да јаде Big Mac откако во нејзиниот сендвич од McDonald’s откри лебарка.
- Не ми се веруваше најпрвин и ми требаа три, четири секунди за да сфатам што е бидејќи најпрвин мислев дека станува збор за препечено месо, рече Ана Софија Стевенсон за Marlborough Express.
Ана го однела нејзиниот тригодишен син Лука во ланецот за брза исхрана во Бленхеим, Нов Зеланд, откако целиот ден го поминале во селење. Таа за себе си нарачала BigMac. По само неколку гриза таа открила дека гризнала лебарка, по што веднаш отишла да поврати во тоалетот.
Таа веднаш ја постирала фотографијата на Facebook и истата таа ја ставила и на официјалната страница на McDonald’s.
Директорот за комуникации во најпознатиот ланец за брза храна, Симон Кени рече дека целиот инцидент ќе биде истражен и притоа откри дека остатоците од лебарката ќе бидат тестирани.
Сепак, тоа не ја натера Ана да го смени своето мислење: Јас никогаш повеќе нема да пробам Bic Mac додека сум жива.
- Доколку започнеме да се плашиме за тоа што јадеме тогаш навистина работата станала сериозна. Луѓето им веруваат на познатите ланци за храна токму бидејќи тие со години на пазарот стекнале доверба за квалитетот што го нудат. Ова е веќе сериозна работа, напиша Daily Mail.