Германскиот пензионер годинава украси дрво со 10.000 шарени јајца. Традицијата трае веќе 47 години и стана вистинска атракција која ја посетуваат околу 13.000 луѓе.
Далечната 1965 година, кога почнувал, на дрвото на германскиот пензионер Фолкер Крафт имало само 18 јајца, а годинава има 10.000 во различни бои и шари. На Крафт му биле потребни цели две недели за да ги закачи сите јајца.
- Сакав да го украсам дрвото поради децата и така започна традицијата, вели Крафт, кој ги вклучил и своите три деца во украсувањето на дрвото со шарени јајца.
Дрвото во гратчето Сафелд стана вистинска туристичка атракција, а годишно го посетуваат над 13.000 лица. Влезот е бесплатен, а интересни сувенири можете да купите по цена од околу осум евра.