Веднаш откако Феликс Баумгартнер ја допре земјата после скокот од 39 километри висина, еден негов фан постави кратко видео во кое со помош на Lego коцки го реконструираше качувањето на капсулата и историскиот скок.
На почеток на видеото се гледа екипата собрана околу скокачот и неговиот балон, потоа качувањето и самиот скок. Се е направено во размер 1:350, но сите детали се на место.
Колку овој фан на Баумгартнер се потрудил да ги направи работите уверливи, говори и позиционирањето на камерата, затоа што скокот на „Lego“ Феликс е следен од птичја перспектива.
Видеото стана хит на „YouTube“, а колку е реалистично говори и следниот коментар:
„Мајка ми не сфати дека станува збор за фигурички се до 1:22 минута, а потоа се изнервира што целата работа ја погледнала. Умрев од смеење“.