Ким Кардашијан го напушти Париз со приватен авион, откако беше жртва на вооружен грабеж во својата хотелска соба.
Според последните информации станува збор за 5 лица вооружени лица кои носеле полициски обележја. Крадците го украле целиот накит и двата мобилни телефони на Кардашијан.
Тие влегле во зградата во која престојувала Ким околу 3 часот по полноќ, по што го онеспособиле обезбедувањето и дошле до нејзината соба. Потоа и впериле пиштол во глава, ја заврзале и ја затвориле во бањата.
По инцидентот и изјавата пред надлежните органи, Ким заедно со својата асистентка и телохранителите замина за САД.
Старлетата беше забележана како прекриена со црна наметка влегува во приватен авион на аеродромот во Париз.